彩

營業中

休息中

由佢初初開業無乜人排開始食 食到佢紅左要排長龍先有得食 到而家熱情冷卻無人排隊 仲記得第一次食個陣感覺好驚艷 除左好味 仲好似去左日本咁 入面全部日本師傅 一入門口會同你打招呼 廚房係開放式 可以見到日本職人認真既一面 食完走個陣仲會同你講ありがとうございます! 而如今一切已成過去 一入到鋪頭 朋友已經話 '咁臭既 成陣酸縮味' 後尾睇返其他食評都不約而同指出呢點 入座後師傅亦無打招呼 都係既 轉晒香港人喇 你估以前咩 我食沾麵叫最多既係黑蒜油沾麵 今次都唔例外 麵底揀左伯爵茶麵 不過根據以住食沾麵既經驗 咩麵都無分別 因為個湯既味會蓋過本身麵既味 所以基本都係食麵既質感 麵既質素同以前無乜大分別 但個湯就差得遠喇 淡左好多 黑蒜油既香味亦不及以前 湯唔夠濃既話其實直接做拉麵好過喇 以前食完個店員會問你洗唔洗加湯飲埋個湯 而家當然唔會問喇 再加就無味嫁喇