泰廳 (已搬遷) 新店位置

住元朗既我平時好鍾意去元朗廣場對面一間夾公仔店夾公仔，隔離個舖位都轉過幾次手，有唔同餐廳進註，最近經過都見到晚市不停有人入去，仔細望望原來係一間新開既泰國餐廳，見到咁多人食，就比佢吸引左入去喇！食泰國菜我一定要叫馬拉盞炒通菜， 馬拉盞香味重於辣味，非常惹味，撈飯一流，菜炒得唔老，好嫩，食到lam lam脷！ 另外叫左個芝士蝦丸，一碟有4粒，大大粒，即叫即炸，外表金黃，咬落香脆，中間既芝士一咬即流，蝦丸打得好煙un, 配埋甜酸汁，食過翻尋味！最後叫左個芒果炒蝦球，芒果係泰式菜入面一直佔有重要既地位，今次既芒果唔酸，帶甜，配埋蝦球有種開胃既感覺！飲品叫左紅豆冰同龍眼冰，龍眼冰偏甜，紅豆冰既紅豆夠沙，好好味！