INN - I’m Not Nothing (已結業)

係一個好大雨既晚上，今次黎左元朗一間好有名氣嘅餐廳食晚餐。 佢個位置係yoho 附近 行5分鐘左右就到好近！個到一帶都係茶餐廳呀，打邊爐呀雞煲個類，但特別有間餐廳門外裝修好唔同 好似間西餐廳係法國小街咁，打下卡都唔錯！今次食左兩個main course 一樣sidedish 同一款甜品連飲品。呢個係牛肝菌龍蝦risotto , 隻龍蝦好有海水新鮮味道，唔似平時龍蝦梅晒咁， 個飯睇落好creamy 食落唔會好膩既感覺 同埋好香個種菇味！呢個係香蒜北海道帶子意粉，有小小辣味，意粉質感唔錯，有兩大粒帶子差唔多有兩個$5咁大！香蒜味道融入左意粉 食落去唔會太辣 但有陣陣蒜香！叫左一份炸魚薯條，以一份小食來講都有唔錯份量、 即叫即炸 加上粗薯條，配上茄汁和沙律醬，開胃之選！呢杯係士多啤利藍莓奶昔，賣相都好吸引，以佢既甜道完全唔係一杯飲品死甜， 佢口濃生果甜味 飲落唔會太甜好易入口。最後一定要講 呢個係tiramisu!!! 好食到流口水！ 個cream 本身有奶油香但唔甜 撈埋底既咖啡食係一百分！份量可以足夠兩個人食、我可以講呢個甜品媲美5星酒店質素。