梁記餃子麵坊 (已結業)

自從佢好耐之前煮雜錦餃子比我時，煮到好多隻啲皮都穿哂，我真係負面到好耐無去幫襯🤭以前既我都食開雜錦餃子加豬扒，配支裝忌廉（我的最愛😍）但因為想避開我唔想要既青椒餃同香菜餃😂，我放棄左雜錦啦🥟🥟 今晚揀左A餐💰HKD39轉左做麻辣，變左麻辣湯原味豬扒米線，另加$3可以三隻餃子/雲吞，我揀左三隻南瓜餃子（又係最愛😝）呢個餐真係好抵食，加$3有多三隻餃子🥟🥟🥟🤤 當然，飲品我都係揀左支裝忌廉啦，係味好麻甩婆可能啲餃子真係太薄，佢三隻🥟中都有一隻又整穿左🤭都唔算好爛既，可能係我本身中意食南瓜，對我黎講係好好食！另外，佢個炸豬扒又係必食之選既，但係美中不足之處，就係只要跟餐咁叫佢，就永遠無得另上，除非係叫小食單點😢浸係湯度好快就淋哂呀！但我每次都仲係會叫來食🤭（唔捨得放棄）如果食餃子但對湯好有要求既人，呢度係會令你失望，因為佢并沒有出面果啲老火湯豬骨湯做湯底比你，只會係煮完餃子果啲清湯咁。愛辣既人最好都係加返麻辣酸辣之類，否則口味偏淡，因此佢都有醋、辣椒醬提供比客人隨意添加👍🏻👍🏻餃子同麵餐既價錢係好實惠，只係單點既小食有啲啲貴，但都值得一試，尤其係酥炸鯪魚球，成日都見到好多人點架🌝👍🏻👍🏻👍🏻