船長意法日餐廳 (已結業)

係元朗周圍走完，覺得好肚餓，想去食啲大份啲抵食啲嘅放題。不知不覺間，就揾到呢間船長意法餐廳，就即刻入左去。一入到去，見到勁大間餐廳，左邊有好多座位，右邊就一條超長自助野食bar，有打邊爐嘅野食，又有燒烤嘅野食，仲有勁多野飲同甜品添！雙眼就發曬光！坐低左之後，我地就嗌左好多海鮮燒！一個海鮮拼盤有蝦，生魚片，硯，鮑魚同蠔添呀！所有海鮮都好新鮮！燒完之後，食落都好有鮮味！最有驚喜嘅係，佢有一串串嘅肉俾我地燒，啲肉好有醬汁味，一串串燒完再食，好方便！好少燒烤餐廳會咁樣燒！一張大枱，同時有邊爐同燒烤，同時滿足你兩個願望，又有好多配料食，坐得又寬躺又舒服，呢間cp值真係好高呀！