影片
更多
2022-04-10
502 瀏覽
元朗出名多鮨店，今次呢間《寿司の神》讀緊書嘅時候已經聽過，平時成日經過，終於試第一次。前菜：沙律、鴨胸肉秋葵、黑松露茶碗蒸特上お任せ膳 / $780內容有：刺身4品、料理1品、壽司8貫、雲丹盛（🌟推介）▫️刺身4品🌟生蠔，好新鮮肥美！配酸酸甜甜嘅汁，我估係柚子醋來，食完一隻會想繼續食，唔夠喉。其餘有赤貝，魚（唔記得咗魚嘅種類），鮟鱇魚肝（好大舊，有啲溜）▫️料理1品🌟汁煮吞拿魚鮫，非常入味，肉質好淋身，日式煮法，汁甜味會重啲🌟🌟🌟炙燒右口魚邊This time FAV!! 比火燒完啲油脂出晒嚟，超香，真係有入口即融感覺，100分💯🌟雲丹盛迷你海膽三文魚子丼，新鮮！見住師傅一層一層將啲海膽疊上去，不過我麻麻三文魚子。🌟蟹肉呢個上碟好驚喜，估唔到用一個小碗子裝，鋪滿蟹肉！🌟老天係吞拿魚的天靈蓋位，好罕有，一條吞拿魚只係得好細舊㗎咋，師傅話火炙係最好嘅食法，油脂再豐富啲👍🏻🌟大拖羅配紫蘇葉（自己好鍾意佢個味道），帶小小甘味，可以平衡返油脂感▫️中拖羅▫️甜蝦 搽上秘製蝦膏醬，係用幾百隻蝦製作，精華來，略嫌甜蝦質感冇咁爽身。▫️赤身▫️帆立貝，灑咗海鹽同柚子皮▫️麵豉湯、柚子啫喱食完壽司最後上的，柚子啫喱一
前菜：沙律、鴨胸肉秋葵、黑松露茶碗蒸
特上お任せ膳 / $780
內容有：刺身4品、料理1品、壽司8貫、雲丹盛
（🌟推介）
▫️刺身4品
🌟生蠔，好新鮮肥美！配酸酸甜甜嘅汁，我估係柚子醋來，食完一隻會想繼續食，唔夠喉。
其餘有赤貝，魚（唔記得咗魚嘅種類），鮟鱇魚肝（好大舊，有啲溜）
▫️料理1品
🌟汁煮吞拿魚鮫，非常入味，肉質好淋身，日式煮法，汁甜味會重啲
🌟🌟🌟炙燒右口魚邊
This time FAV!! 比火燒完啲油脂出晒嚟，超香，真係有入口即融感覺，100分💯
🌟雲丹盛
迷你海膽三文魚子丼，新鮮！見住師傅一層一層將啲海膽疊上去，不過我麻麻三文魚子。
🌟蟹肉
呢個上碟好驚喜，估唔到用一個小碗子裝，鋪滿蟹肉！
🌟老天
係吞拿魚的天靈蓋位，好罕有，一條吞拿魚只係得好細舊㗎咋，師傅話火炙係最好嘅食法，油脂再豐富啲👍🏻
🌟大拖羅
配紫蘇葉（自己好鍾意佢個味道），帶小小甘味，可以平衡返油脂感
▫️中拖羅
▫️甜蝦
搽上秘製蝦膏醬，係用幾百隻蝦製作，精華來，略嫌甜蝦質感冇咁爽身。
▫️赤身
▫️帆立貝，灑咗海鹽同柚子皮
▫️麵豉湯、柚子啫喱
食完壽司最後上的，柚子啫喱一般般，唔實身。
因為冇晚市堂食，餐廳應該都想做多啲生意，所以定咗唔同嘅時段用膳，每節90分鐘，我食中午12點，塞車遲咗小小，前菜要食得急先可以追返隔離進度（因為師傅一次過serve 2組客人）如果趕唔上，壽司就會一次過上，唔會逐件逐件上（見到有其他客人真係直接一碟過）用餐享受度大減🤔
用餐時間其實唔係好夠，食得急咗啲，而且師傅同客人嘅交流比較少，可能佢都太忙住整壽司😂
P.S. 預約要比按金，每位$200，鍾意坐吧枱記得提出要求～
張貼
