一杯鐵板燒居酒屋 (已結業)

日本野一向係香港人至愛，今日特登黎試下位於Yoho Mall既一杯居酒屋，之前其實行過好多次，覺得裝修勁靚勁日式😍，不過一直都末有機會黎試。頭盤係鯛魚同赤貝刺身，新鮮甜美，師傅刀工都唔錯。我地既飲品係交左比店員發板，佢地選擇左係刺身同前茶之間為我地送上一壺香甜既水果茶refresh一下味蕾。之後就到燒鮑魚，香口惹味！店員好有心預先切開晒3小塊，好貼心。主菜係牛肉石頭鍋飯，店員會幫你撈埋個石頭鍋飯，我地淨係負責食就得🤣最後仲有一個柚子豚肉鍋，調味恰到好處，淡淡清湯，配上唔係好酸既柚子，解油膩一流。總結，店員全程都非常有禮貌同好好服務，如果價錢可以再特惠d就更加好！