元札幌拉麵 (悅來坊)

營業中

休息中

最近喺荃灣發掘到一間幾抵食嘅餐廳！係日式餐廳，而且環境都好舒適似居酒屋，但係價錢亦都好實惠。餐牌選擇非常多，拉麵都有好多種，估唔到佢嘅飯咁平都有咁多樣嘢！燒多春魚$32 都燒得好香，而且魚入面真係好多春，冇花冇假，因為出面有時食啲多春魚真係唔知點解冇乜春⋯加埋啲檸檬就更清新溫泉蛋牛肋條飯$82配白飯、雜菜沙律、茶碗蒸及味增湯牛肋條非常入味，調味做得足，而且大大件夠飽肚，呢個價錢仲有埋沙律，茶碗蒸，味增湯， 十分豐富！沙律酸酸地好開胃，茶碗蒸啲蛋有小小甜而且好滑，入面亦有其他材料增加口感，味增湯味道剛好！CC Lemon $14佢本身已經有茶提供，亦可自行點選汽水或者特色日本飲料。