元気寿司 (已結業)

星期日小朋友大哂，又黎小朋友天堂元気寿司食野。都有唔少新野。三重天然蝦 $19三重天然蝦係一舊飯配三隻蝦刺身，蝦質素唔錯，抵食wor。伴有青檸一塊。南蠻他他炸蠔軍艦 $14南蠻他他炸蠔軍艦一客兩件，炸蠔雖然細細隻，不過都香脆多汁。上面加咗甜醬，就太甜，覺得多餘。伴有好多沙律醬。炙燒原條穴子 $32炙燒原條穴子居然係凍既，味道甜甜地，好怪。蟹肉蟹膏手卷 $22蟹肉蟹膏手卷有蟹肉蟹膏同蟹籽。牛油煮蜆 $27牛油煮蜆份量比張相少，不過蜆味道都唔錯，富牛油香，上面加上少量京蔥同蔥花。牛油果蟹柳沙律 $22牛油果蟹柳沙律以生菜墊底，上面有少少車厘茄，3片青瓜，牛油果，同蟹柳。個醬係柚子醋，感覺健康。蟹柳都唔係最差個d。青瓜卷 $12青瓜卷一客6件。芝士蛋糕芭菲 $23芝士蛋糕芭菲係日本貨色，獨立包裝。面層有唔太脆既餅碎，下面就係一層忌廉，之後大部份就係芝士蛋糕底，芝士蛋糕有好多提子乾，好特別。不過質素麻麻地，芝士蛋糕唔太濃滑，唔洗試。麻糬今川燒 $17麻糬今川燒係新口味，係日本直送，可惜得吉士味。外皮印有元氣logo，暖笠笠上枱，入面果然勁多吉士醬，仲咬到煙煙韌韌麻糬，口感味道超正。