鮨処光 (已結業)

1月1日, 元旦日~ 新年快樂! 唔知幾時開始每年元旦我地都會揀食日本菜~ 因為日本人較重視新年呢一日會推出御節料理, 食食下就連其他日本菜都照食! 當然, 一餐豐富美味嘅大餐絕對係有幫我地開個好年嘅作用啦~::: 料理長推介極上壽司定食(10貫) ::: $190由於呀菲同呀比都對壽司情有獨鐘, 所以兩個都一齊叫咗呢個極上壽司定食, 有10件、12件同15件任君選擇, 可以自由揀選自己心水嘅壽司, 不過高級d嘅壽司就只限選一件, 其他款式就可以揀多d~前菜沙律用上和風沙律汁配鮮嫩沙沙律菜同車里茄等, 酸爽開胃.在壽司上場前先奉上茶碗蒸~ 份量唔算多大概半杯左右, 不過質素取勝! 蛋係黃黃的夠滑夠甜~ 內裡仲有蝦仁、冬菇、菠菜、魚蛋、銀杏等, 燉蛋味道十分濃郁, 絕對可以彌補份量上嘅不足!十件壽司上場, 每件都已掃上適當嘅豉油~ 當中必推鮮甜味美嘅海膽、肥嫩香溜入口即溶嘅吞拿魚腩、超濃郁嘅蟹膏、油潤嘅油甘魚、帶點焦香嘅火炙三文魚腩, 另外, 甜蝦雖甜但細隻咗d、帆立貝同甜蝦同樣問題細件咗d唔夠咬口, 其他的都唔記得咩魚打咩魚lu~ 但總括都算新鮮嫩口.平時呢d高級少少嘅壽司店可能都好靜