東京街 (一門町市場)

營業中

休息中

除夕收爐之際難得返工放早，約到朋友食晏。去左荃灣一門町市場內，依間好日本居酒屋feel的東京街用膳。店內環境開揚地方乾淨，有過百款美食選擇，真係花多眼亂，刺身壽司炸物丼飯樣樣有，下午想簡單點最後揀左丼飯套餐。套餐附送麵豉湯、茶碗蒸、沙律和飲品。北海道丼 $158丼飯豐富，刺身新觧色水靚有光澤，有大粒鮮甜的北海道帶子，肥美的三文魚，柔軟鮮甜的赤紅牡丹蝦和充斥魚油香的油甘魚，仲有魚籽、蟹膏、蟹肉、海膽等，誠意十足，配埋珍珠米飯相當美味。香煎鵝肝飯 $158厚切鵝肝多塊，表面焦香相當誘人，啖啖充滿鵝油甘香，好有幸福感。芝麻雞翼 +$28雞翼香口，炸得外脆內嫩，好味。燒秋葵金菇肥牛串 +$25金菇肥牛串軟腍加爽口，配醬汁美味。難得遇上清爽的秋葵，正。