李家 (埃華街)

營業中

休息中

李家相信大家都認識，係香港元祖韓式炸雞店，襯去大角咀買野，咁岩經過順便重拾一下舊有回憶。呢度的炸雞以其口感酥脆、多汁而受到廣大顧客的喜愛。其中，蜂蜜無骨炸雞是他們的招牌菜之一，每塊炸雞都為飽滿多汁，配上美味香甜的蜂蜜醬汁，再加上新鮮蒜泥，令你食指大動，會有不斷想繼續食的衝動。而李家韓式炸雞有另一好處係係每款口味可以揀半份，所以就算兩個人都可以選擇唔同口味，咁另一款我就揀左粟米炸雞，當初見Menu以為只係炸雞加粟米，上枱就知唔係咁簡單，原來炸雞上面仲加左蜂蜜粟米片，所以炸雞食落去個味道都充滿粟米片味，而粟米甜甜地，最重要唔乾身，食落去夠Juicy。海鮮煎餅係傳統韓國菜式之一，所以試一間韓式食店係咪正宗，試下海鮮煎餅就略知一二。呢度的海鮮煎餅邊邊夠晒香脆，而內部保持軟檽口感，裏面有八爪魚腳、魷魚、蝦、蔥等豐富的海鮮，餡料可以話係爆多，份量都夠大，絕對推介。呢個環境都唔錯，裝潢充滿韓式風格，配上Kpop，完全感覺置身於韓國當中。除了以上講的美食外，李家仲提供各種飲品選擇，包括特色的Mocktail、Cocktail、啤酒和燒酒等，首推麗塔Rita Series，以滿足不同口味的需求。