Second Draft (已搬遷) 新店位置

大熱天的星期日，想出街食brunch，我就嚟到大坑呢間fusion餐廳，因為佢哋個餐牌上的食物是中西結合，非常之特別。元蹄賓尼迪 Pork Leg Benedict (HK$108)這一份鋪滿了非常多的啤酒燒元蹄肉，肉質都軟腍，不會乾，有脆口嘅豬皮。元蹄上有一隻溫泉蛋，最鍾意篤穿讓蛋黃流晒出嚟，與青蔥荷蘭醬和元蹄肉一齊食，超正。不過，我覺得只有一隻溫泉蛋好似少咗啲，一般賓尼迪不是有2隻蛋嘅咩？最底塊酸麵包係配上面嘅食才一齊食，整體來講都係好食嘅，不過食到最尾係剩低啲元蹄肉，如果其他食才有得添加就好啦。Remedy (HK$63/medium)呢度有25款不同口味嘅手工啤酒可選，我就揀咗呢款叫Remedy，有淡淡嘅薑、青檸和檸檬酸嘅香氣，入口會感覺到啤酒中嘅酸味和微鹹味、帶有少少薑和胡椒嘅辛辣味道，味道具有層次感，易入口，幾好飲。