八座小食 (已易手) 新餐廳

繼續講得寶商場美食城。除左Burger B之外，我仲試左另一間店。八座主打地道街頭小食：腸粉、燒賣、碗仔翅、雞蛋仔等等，種類都幾多，但最吸引我係已經好少有機會食的臭豆腐同牛雜。以前仲有街邊小販檔的時候，我都幾鍾意買臭豆腐食，其實一d都唔臭，又可以加我喜愛的甜醬。八座的臭豆腐（$10）外形呈長方形，同平時見到的四方形唔同。外皮亦唔係酥脆口感，比較實淨。味道剛好，唔會好濃烈，幾香，加埋甜醬真係冇得頂。牛雜（小$20）每樣有兩三件，唔算好入味，最好係牛腸同蘿蔔，但我最鍾意的牛肚就唔夠腍。一個地方仲有多款街邊小食供應，又算乾淨（我估），都值得一試嘅，總好過要等到新年先有得掃街吖嘛。值得去指數：