品曲奇 (利園二期) (已搬遷) 新店位置

早排去銅鑼灣探朋友，行開見到呢盒包裝咁靚嘅曲奇，送禮一流，所以就買咗嚟當送禮畀個朋友！即日食完晚飯就開箱試下，入面有幾款唔同嘅口味，令我最印象深刻嘅絕對係香辣蝦米！一食入口嘅蝦米鮮味，加上本身嘅微辣刺激，十分之惹味！就連平時一啲都食唔到辣嘅我都非常欣賞，一食停唔到口，最後仲要攞走幾塊返屋企食。另外帶畀我驚喜嘅仲有蔥油雞口味，食落去有陣酥香嘅味道，加上有陣淡淡嘅雞香，一試難忘！而其他口味仲有XO醬、七味粉、紅棗、提子花旗蔘、陳皮子薑同埋杏脯迷迭香，味道創新，而且每款都充滿港式嘅風味，照顧大家唔同嘅需要，不論送禮定係自己享受都係一絕！