度 (已結業)

📍銅鑼灣 度Beyond coffee & bar喺精緻既咖啡同飲食之外，更加多既係成為一個完夢既地方。餐廳位於銅鑼灣，裝修簡約舒服，更加多嘅係呢一度係一個充滿愛嘅地方。餐廳定期會同機構合作，舉辦唔同嘅展覽，而今日就喺同扶康會合作嘅相片展，比精神康復者分享佢哋嘅相片集。🤍飲食方面亦都毫不吝嗇，感受到廚師滿滿嘅用心。٩(˃̶͈̀௰˂̶͈́)و牛油果帶子扁意粉 $148意粉係以青醬作為主調，配上牛油果軟滑嘅口感，每一啖都感受到意粉滿滿嘅層次。加上鮮甜嘅帶子，而意粉煮得煙靭，絕對推介鍾意食pasta嘅朋友。蟹肉黑松露炒蛋牛角包 $88呢一個牛角包用料上乘，有滿滿嘅蟹肉。而佢嘅黑松露炒蛋好香黑松露味，而炒蛋炒得好嫩，加上啱啱烤好嘅牛角包，大滿足🩵Matcha latte $50佢嘅拉花係一隻狗仔，超級可愛。加上抹茶嘅香濃同牛奶嘅奶香，係呢一個寒冷嘅冬天感受到一絲絲嘅溫暖🥰。Tiramisu $68聽店員講，呢一個甜品係佢哋自家製造。濃郁嘅咖啡味，加上軟滑既口感，仲有唔同嘅生果同可愛嘅熊仔餅，絕對為呢一個精緻嘅午餐做咗一個圓滿嘅結束。