芽莊越式料理 (新城市廣場) (已結業)

放工返到屋企太攰，想叫下外賣，第一時間諗起呢間餐廳嘅蕃茄蟹檬好正，令人回味，其實已經encore左好N咁多次😍🍅蕃茄濃湯有蕃茄蓉，不僅含有豐富維他命C，有抗氧化作用，會增強免疫系統，開胃，放工係時候食返d野補充一下體力。湯入面有幾片扎肉，兩至三粒混合既丸類，唔係蝦丸咁簡單，有一大舊蟹腳，仲有少少蟹肉碎，鮮甜美味。而且份量很大碗，飲埋湯已經好滿足。蟹係我至愛，加埋一齊食簡直係最強拍檔😋口感豐富，食完咁好味既河內蕃茄蟹檬，心情愉快得多，值得推介給大家。