居酒屋·姫 (已結業)

平時行經都留意到呢間居酒屋，今日早收工同同事放工輕鬆下，一入到去好似去左日本咁，店員十分友善。我地叫左支清酒，味道甜甜地，一路飲酒一傾計。嚴選季節特上六款刺身盛合 $558今日有腦天肉，北海道海膽，池魚，赤身，尾長鯛，猛者海老，腦天肉油脂豐富，包住小豆苗，味道清新，北海道海膽鮮甜creamy，猛者海老爽口彈牙，尾長鯛包住梅醬味道酸甜。手挽塩白鰻燒 $77白鰻燒到外皮香脆，肉質鮮甜無泥味。自家制月見免治雞 $58免治雞肉外面焦香，入口嫩滑，加上雞蛋味道香濃，超正。味噌煮豬腸 $98豬腸煮到好軟林，味噌帶少少辣，好惹味，好想叫碗白飯一齊食。松葉蟹肉釜飯 $198松葉蟹已經拆哂肉，蟹肉鮮甜無比，飯吸收哂高湯同蟹味超級好味，仲有我最愛嘅飯焦。