海潮食堂

營業中

休息中

前排睇廣告介紹觀塘有間隱世茶餐廳，今日去成業街試下，響工廈停車場入口旁，連招牌都唔覺有，要入到餐廳先見到「海潮」個招牌。餐廳坐位較迫。餐牌好多選擇，有多款餐配搭，聽到老闆同每枱客人介紹，有一熟客話唔舒服，老闆虛寒問暖，最後介紹客人食咸肉米線配熱薑蜜，甚有人情味的感覺，唔怪得咁多熟客幫襯。當然要試招牌菜，牛腩蛋煎米粉拼腐皮蝦卷 - $44老細見我分開食,即走過來教我食，話先將煎米粉切散幾份，再將麻辣腩汁連生蒜淋上蛋煎米粉上，令米粉索晒汁料，又脆又腍既口感，腩汁濃味，好多牛筋超腍，蝦卷香脆。另叫了薄多士$10，差不多每枱都有叫，兩塊紙1mm 咁薄既方包，烤到卜卜脆，配埋砂糖、柯華田粉、煉奶，甜絲絲的味道！再叫了酥炸豬扒菜飯$42，不過有一點失望，豬扒唔脆的，似煎多啲，不過勝在腍身，菜飯夠多菜，大大塊菜夾雜飯當中。