常嚐食•深燒堂 (已結業)

今日喺旺角行街，見有啲肚餓就去搵野食試咗間常嚐食·深燒堂入面主打串燒同埋花甲粉🤤平日夜晚7 點入到去人唔算多，先講一講間餐廳嘅裝修，俾人有種家嘅感覺幾溫馨！你哋睇吓啲相先🤫老闆娘都好親切！😗我哋依家入正題係串燒先，上菜都算快，中間未食完就不斷上菜完全食唔切😋我哋叫咗好幾樣排名係分先後：🔻第一位一定係安格斯牛！高質個位係好重口味，同埋有牛脂夾雜着好香好有口感😗🔹第二位係雞皮同雞心！主要係食材好新鮮雞皮脆得來又唔係好膩；雞心個汁好鮮甜同埋冇腥味！😋🔹第三位必食金菇肥牛🤓睇相佢好似擺咗成串金菇上去好滿足嘅感覺🤤🤤其他串燒都好好食，但主要係呢三樣令我想再返嚟encore！😍佢哋亦都主打花甲粉，朋友話個份量好足真心對得住個價錢！花甲冇沙同埋好大隻，啲粉完全食唔晒，對我一個咁鍾意食澱粉質嘅女仔都飽所以花甲粉係絕對係必食推介！老闆娘仲推薦我哋試佢個燒菠蘿，我哋自己本身都唔係好鍾意食菠蘿嘅人，但係一食真係返唔到轉頭，個菠蘿又多汁又香令到我對菠蘿有新嘅睇法！人均消費$200，喺旺角可以食到驚喜嘅串燒仲要足料又飽肚差唔多啦