Felice Cafe & Pasta (已結業)

今日去time square 行街，行完走入後面的大街小巷，平時真的少行入得咁入，結果係小巷見到好多特色小店，所以真係想食好嘢一定要捐窿捐啦，先會逃離連鎖店遇上驚喜，特色意粉屋位於希雲街12號，細細間小店，容納大概16-18人左右，空間較細。兩人簡單叫左兩個Dishes 和兩杯特飲；1. 酥炸軟殼蟹蟹膏醬燴意大利飯，軟殼蟹真的炸得好酥脆香口，簿簿的炸粉，仍能清晰見到蟹蟹蓋的粉紅色。咬落食到蟹肉鮮甜，完全不是平時食到炸軟殼蟹的純粹炸粉感覺，意大利飯充滿蟹膏味道，若能再重味點更好。2. 海膽黑松露忌廉汁扁意粉，海膽黑松露都是我我最愛，一大片新鮮海膽舖在意粉上，濃郁的黑松露忌廉汁掛滿每條扁意粉，將海膽撈散，食一啖，意粉硬度剛好，仍食到海膽味和黑松露味，非常滿足，好想問廚師👨‍🍳如何烹煮。3. 飲品叫了杯牛油果乳酸沙冰，配上新鮮牛油果，味道簡單清香，完全有加其他糖水之類。4. 另一杯是紅肉火龍果、藍莓沙冰，配上忌廉，色澤鮮艷吸引，味道亦鮮甜。