古早味台灣原味 (已結業)

時日放假，約左老友係銅鑼灣見面，係京都廣場醫肚，去左間新開既台式食店度試下。間食店叫做古早味台灣原味，一聽個名就知道係食台灣風味啦，食完之後的確無令小弟失望，而且仲要俾likes添。我地點左兩個台式下午茶餐:古早味牛肉牛筋麵配草莓綠茶 (HKD 58)同埋滷肉飯配水蜜桃紅茶 (HKD 45) 兩個餐都配以蔬菜同豬耳。另外，亦都叫左個小食滷水拼盤 (雞翼3隻，雞蛋，五花腩肉3塊)(HKD 45)。個下午茶餐其實都好豐富，分量啱啱好，個前菜豬耳略帶胡椒味，幾惹味同刺激，蔬菜都好新鮮。 至於個麵，我覺得幾“煙”韌彈牙，牛肉好入味，又夠稔，而牛筋就大大條，食落去幾嫩口。另外仲有紅蘿蔔，個湯底我覺得幾好味，正。 要食台灣風味，叫滷肉飯是常識吧。賣相同味道唔錯，我覺得同之前係台灣食過既不相伯仲，好有台灣風味，令我好懷念係台灣做交流生既日子。我覺得個湯幾清甜(只有飯類既餐會附送湯)。個滷水拼盤非常精緻，值得一提係既五花腩肉，一啲都唔韌，好好味。雞蛋同雞翼都好夠滷水味。草莓綠茶同水蜜桃紅茶都偏重新果味唔甜，啱哂我呢個健康一族。 整體黎講，好味，抵食同交通非常方便。