影片
更多
2012-07-18
159 瀏覽
很多朋友都喜歡韓國野, 此店在朋友圈之中聞明已久, 但因長期滿座, 終於約齊人去食, 閒日都要早幾日BOOK位.7:30去到已全部檯都有人, 小店一間, 大家坐得迫迫狹狹, 裝修SETTING尤如去左韓國一樣, 用炭爐, 有煙通, 鐵面的圓檯 這格局才像韓國烤肉店. 除了香港和韓國人來, 還見到有不少鬼佬外國人慕名而來 (佢地等位等左成個鐘)最喜歡那椅子設計, 真的很貼心, 打開個座墊可以將包包及外套塞入去, 唔洗擔心沾染油煙味, 又唔洗丫多張櫈擺袋林到山咁高。我O係韓國都未見過呢種設計, 有時只係俾個膠袋包住D衣物. 值得一讚! 先穿上圍裙~ 打開MENU , 分類有 豬 / 牛 / 雞 / 海鮮 / 韓式熱食 / 飲料大部份人都會選擇海鮮, 因韓國餐廳都唔係好多地方有得海鮮, 我地一路食一路叫 , 一人一兜酸既海帶湯同醃過的生洋蔥一個廣東話大嬸職員話, 如燒海鮮要用網 , 因肚餓想快D有野食, 所以我地先燒海鮮 , 一盤烤雜錦背 $358 , 有3隻好似帶子咁既扇背 , 幾隻細背殼 (硯?) , 幾隻中背殼 (唔知係咩) , 一包蝦, 幾隻鮑魚。最好味係果3隻帶子(扇背)同鮑魚,
很多朋友都喜歡韓國野, 此店在朋友圈之中聞明已久, 但因長期滿座, 終於約齊人去食, 閒日都要早幾日BOOK位.
7:30去到已全部檯都有人, 小店一間, 大家坐得迫迫狹狹, 裝修SETTING尤如去左韓國一樣, 用炭爐, 有煙通, 鐵面的圓檯 這格局才像韓國烤肉店. 除了香港和韓國人來, 還見到有不少鬼佬外國人慕名而來 (佢地等位等左成個鐘)
最喜歡那椅子設計, 真的很貼心, 打開個座墊可以將包包及外套塞入去, 唔洗擔心沾染油煙味, 又唔洗丫多張櫈擺袋林到山咁高。我O係韓國都未見過呢種設計, 有時只係俾個膠袋包住D衣物. 值得一讚!
先穿上圍裙~ 打開MENU , 分類有 豬 / 牛 / 雞 / 海鮮 / 韓式熱食 / 飲料大部份人都會選擇海鮮, 因韓國餐廳都唔係好多地方有得海鮮, 我地一路食一路叫 , 一人一兜酸既海帶湯同醃過的生洋蔥
一個廣東話大嬸職員話, 如燒海鮮要用網 , 因肚餓想快D有野食, 所以我地先燒海鮮 , 一盤烤雜錦背 $358 , 有3隻好似帶子咁既扇背 , 幾隻細背殼 (硯?) , 幾隻中背殼 (唔知係咩) , 一包蝦, 幾隻鮑魚。最好味係果3隻帶子(扇背)同鮑魚, 可以唔洗點任何醬料, 如點, 點少少麻油+鹽就得, 但D蝦就唔多鮮味。有3隻中背殼燒左好耐都唔開口, 職員唯有用刀拗開佢, 但我地驚唔新鮮所以最終放棄左呢3隻..........
食完海鮮, 換左塊平板燒肉類, 叫左五花肉 ($98/150g), 牛肉, 都OK好味, 呢D肉類通常都唔會差。呢度其中一個好正宗既服務, 就係生菜無限REFILL!!!! 唔似一般韓國餐廳, 要收幾十蚊碟菜.........其實D菜值幾多錢丫~~ 其他餐廳要收錢, 感覺略水不親民, 去親其他餐廳食韓烤都唔會叫菜, 爭D野咁, 呢度生菜唔收錢已經可以打動到D食客。
不經不覺叫左好多野食........3個女仔唔知點解會咁大食!! 真係好好生意, 冇book便要等位, 但出面d人等成半個鐘都願意等, 有人我見等左成個鐘 (門外有幾張椅子俾人坐住等位) 職員雖然忙到停唔到手但服務都唔差大八爪魚 ($38/2pcs) -- 味道一般唔特別
豆腐海鮮湯 -- 第一窩真係好好味 , 所以再叫多窩, 感覺冇第一窩咁好味
米酒 2 枝 -- 呢隻牌子好飲, 同埋用鐵兜飲架
豬皮 $78/150g -- 好多人黎呢度都要食豬皮, 韓國都唔係間間烤肉店有! 第一次食, 煙煙UN UN口感幾得意, 燒耐D香口D更好味
蒸蛋 -- 好味, 但放得太多咸魚仔, 偏咸, 所以要先筆走晒佢地
鰻魚 $128/1pc -- 甜甜地好好味, o係其他韓國餐廳唔多機會食到
白飯兩碗
好滿足好飽滿, 埋單$1200, 即每人 $400左右。雖然係貴, 但其實食左好多野, 同埋因為格局令我地感覺似番左韓國一樣, 所以願意付出多d錢, 間唔時黎一次都唔錯
張貼
