Artistry Brewing Company

營業中

休息中

之前喺附近食飯，發現咗呢間佈置得好靚嘅小店，見佢啲食物都幾吸引，所以今次特登嚟試。近門口一排嘅落地玻璃，令到小店好光猛，感覺好開陽。對住落地玻璃嘅係一排吧枱，我見到有人嘆住食物咁樣開conference call，都幾爽。Lunch Menu都幾多選擇，總共有10款唔同類型嘅食物，我地今次揀咗Steak and Fries，北海道扇貝配野菌糙米飯黑松露乳酪醬，包埋一杯熱咖啡或者熱果茶。留意餐湯係要加$38，今日係蕃茄湯。蕃茄湯夾蕃茄味道濃郁，一飲第一個感覺係好酸，用麵包店嚟食其實係好食嘅，但係可惜麵包只得兩小塊，餘下嘅湯就咁飲對我地來講真係好酸。牛扒咁嘅價錢中規中矩，但係薯條就非常出色。至於個北海道扇貝糙米飯有啲驚喜，配埋個黑松露乳酪醬食非常好味。至於熱咖啡就中規中矩，唔係我杯茶。另外叫咗一個cappuccino，要加$28 ，ok啦，似乎呢度嘅咖啡唔係好啱我地嘅口味，不過食物質素係OK嘅。