味川酸菜魚 (已結業)

自從冇得返大陸之後，好耐都冇食過一浸大陸味啦！今日咁岩經開火炭，係朋友嘅介紹之下就食咗呢間叫味川嘅餐廳。我哋今日點左酸菜魚、麻辣土豆絲、手撕包菜、辣子雞、黃金蝦。先唔好講其他餸嘅質素，我來味川就係為咗佢嘅酸菜魚，碟酸菜魚一送上嚟即刻成浸大陸味漂晒出嚟，呢樣就係我最期待嘅嘢啦！日式舊魚就知道係新鮮嘅而且酸辣到適中湯底又唔會太鹹飲完唔會頸渴。食得出係用心製作。除此之外其他菜式都冇令我失望！麻辣土豆絲真係好好味，手撕包菜又係好好味！下次要帶埋屋企人嚟嗌多幾個餸先得！