花香 (已結業)

呢間靚靚Cafe比我bookmark咗好耐啦🥳今次終於試到！開頭以為會好多人排隊，好好彩當日都唔係等咗好耐🌸成個環境裝修充滿少女氣息，真係好靚💖蟹肉麻婆豆腐富士山飯一上枱就見到粉紅色嘅富士山🗻賣相好吸引呀！蟹肉鮮甜足料，麻婆豆腐麻味非常突出，愈食愈惹味😋華麗大蝦墨汁意粉墨汁意粉加入忌廉汁後口感更加順滑，意粉煙韌有咬口，食到成個口都係黑色😂大蝦份量好多！鹽酥爆谷雞爆谷雞即叫即炸，一上枱仲係熱辣辣！食落香脆可口😙好快就食晒啦！蕉焦脆脆吐司吐司賣相超吸引😍上面有大大個雪糕球、焦糖香蕉、焦糖脆脆等，超邪惡😈鍾意食甜野嘅唔好錯過～ 絕對係一餐美好嘅作結😍紫薯拿鐵係好吸睛嘅紫色💜 帶紫薯天然甜味！髒髒花生醬拿鐵花生醬味道濃郁🥜仲有花生粒增加口感🤎加埋雪糕同忌廉，飲完呢杯應該肥幾磅😂 好彩甜味同咖啡嘅苦澀平衡得幾好～飲完都唔會覺得好Heavy，絕對係打卡首選📸️