珍一料理 (榮高樓) (已結業)

真係好開心呀，今日終於都去咗呢一間珍一料理！雖然旺角區真係好多街頭小食，不過都仍然左唔到我好想食呢一間川味菜嘅外賣小店！真係唔好睇小呢一間外賣小店，雖然係唔算好大嘅地方，不過整體環境裝修同埋食物質素真係好有保證！我自己今次就叫咗一份撈麵同埋牛肚！呢兩樣菜式都好豐富！首先講吓呢個牛肚，呢個麻辣嘅香味好豐富，而且夠晒辣❤️❤️我個人來講真係好喜歡！我相信鍾意食川味菜嘅人都會好鍾意！至於呢一個撈麵都好正，上面有花生，芫荽，青瓜絲撈埋一齊！非常惹味！辣辣地！食得好滋味，雖然食到流晒口水，不過都依然越食越上癮！❤️整體來講，呢一間餐廳真係幾高質，下次都要帶埋朋友過嚟試吓其他唔同嘅菜式先得！