帝樂 - 德國餐廳 (美麗華廣場) (已結業)

餐廳裝修十分有德國特式，暫時都未有計劃去德國旅行，所以決定入嚟呢一間先感受一下德國🇩🇪氣氛。🍖脆皮豬肘配酸椰菜及脆炸薯仔$280嚟到德國餐廳必定要點佢哋嘅脆皮豬手，豬手會有專人幫手切，如果你嘅座位比較近通道，你仲可以親眼望住佢哋係你面前切。上枱時熱辣辣，皮十分脆！酸椰菜亦都可以減低油膩感。豬手啖啖肉，係必點食物😋😋🍗烤雞飯雞烤得比較乾，對比豬手會覺得肉質冇咁滑。但飯粒粒分明，飯入面加入秋葵增加飯嘅口感。餐廳氣氛好好🍾，入到餐廳好似一大班人嘅聚會咁，餐廳內大多數人都飲啤酒🍻，所以感覺好輕鬆、大家都可以暢所欲言。價錢屬於中上，但西餐來講值得一試，岩放工後想鬆一鬆既朋友去🥳