Dijaya (已搬遷) 新店位置

酒吧座位好靚好舒服，梳化咁多又好坐，真係好適合一班人黎飲野傾計。Berry Berry 充滿草莓、蔓越莓同藍莓個種甜中帶酸的味覺，莓味濃郁真係好適合女仔飲。當中仲有打蓉左既莓粒係入面，口感依然好順滑。除左甜甜酸酸既莓味同酒味外，仲有一股熱情果既味道，好好飲。安格斯牛肉漢堡牛肉味超級香濃，一咬落去仲有好多汁爆出，而且好厚身。最正係牛肉上面既芝士，白芝士呈半溶既狀態，應該係煎牛肉時一齊煎，已經同牛肉融合埋一齊。麵包色澤好靚，有少少甜，烤得香脆。成個漢堡整體都不錯！