影片
更多
2022-06-06
178 瀏覽
最近會展站開通咗，想去灣仔海旁行下就更加方便🙆🏻♀️！喺灣仔碼頭上方嘅Pier1929早就已經喺我嘅bookmarked list裡面，入到去果然同我預想嘅差唔多，除咗樓底非常高之外，更被維港靚景包圍，喺度用餐特別放鬆，最緊要價錢唔算貴，Dinner set以主菜價錢而定，已經包括咗餐湯、前菜同甜品一共四道菜，都只係由$298起跳✨• 龍蝦濃湯 +$40望落呈深橙紅色，龍蝦味非常突出，飲完個胃好舒服😚• 凱撒沙律配巴馬火腿沙律可以選配煙三文魚或者巴馬火腿，唔算好有特色不過食主菜前清下個味蕾都唔錯😌• 無花果醬香煎鴨肝配多士 +$40鴨肝煎至金黃微焦，口感外脆內軟，無花果醬酸酸甜甜，與油香豐富嘅鴨肝相輔相成，食落冇咁油膩，多士亦烘得好香脆🤤• 西班牙慢煮乳豬配青蘋果燒汁伴椰菜沙律、蘆筍給及脆薯角 $368切落去嗰下已經可以感受到個外皮係幾咁卜卜脆，乳豬以75度慢煮咗18個鐘頭，所以肉質超級滑嫩，可以話係顛覆咗我對豬肉嘅印象，加上特製嘅青蘋果燒汁，香口之中帶清新嘅感覺，推介🔥• 澳洲M5和牛西冷伴薯角
喺灣仔碼頭上方嘅Pier1929早就已經喺我嘅bookmarked list裡面，入到去果然同我預想嘅差唔多，除咗樓底非常高之外，更被維港靚景包圍，喺度用餐特別放鬆，最緊要價錢唔算貴，Dinner set以主菜價錢而定，已經包括咗餐湯、前菜同甜品一共四道菜，都只係由$298起跳✨
• 龍蝦濃湯 +$40
望落呈深橙紅色，龍蝦味非常突出，飲完個胃好舒服😚
• 凱撒沙律配巴馬火腿
沙律可以選配煙三文魚或者巴馬火腿，唔算好有特色不過食主菜前清下個味蕾都唔錯😌
• 無花果醬香煎鴨肝配多士 +$40
鴨肝煎至金黃微焦，口感外脆內軟，無花果醬酸酸甜甜，與油香豐富嘅鴨肝相輔相成，食落冇咁油膩，多士亦烘得好香脆🤤
• 西班牙慢煮乳豬配青蘋果燒汁伴椰菜沙律、蘆筍給及脆薯角 $368
切落去嗰下已經可以感受到個外皮係幾咁卜卜脆，乳豬以75度慢煮咗18個鐘頭，所以肉質超級滑嫩，可以話係顛覆咗我對豬肉嘅印象，加上特製嘅青蘋果燒汁，香口之中帶清新嘅感覺，推介🔥
• 澳洲M5和牛西冷伴薯角蘆筍 $428
呢塊西冷牛扒嘅牛味好香濃，可惜比起我哋order嘅熟度稍為熟咗少少，都有同餐廳溝通返，期待佢哋日後有改善☺️💪🏻
• 是日精選甜品
甜品有驚喜，抹茶撻唔係假膠綠茶味，係實實在在微澀嘅深綠色抹茶，甜度同澀度控制得唔錯，撻皮薄脆有牛油香，而且仲有流心效果！連伴碟嘅雪糕都係自家製，幾有誠意，可以見到真材實料嘅雲呢拿籽，口感同味道拍得住貴價牌子👏🏻
• Dionysus +$55
想飲啲易入口嘅cocktail，店員就推介我哋試試呢款。呢款以Gin酒做基底，加入咗柚子、薑同檸檬，整體感覺以清新為主，幾啱女仔飲！
• Caramel & Apple Rooibos +$20
另外都嗌咗壺熱茶飲下，焦糖蘋果味嘅茶都係第一次見，倒出嚟已經聞到濃濃香味，風味特別😌
張貼
