影片
更多
2016-12-15
312 瀏覽
為慶祝同老公結婚5周年，特意找一間特別既餐廳來慶祝我倆特別既日子。係openrice搵左好耐，見到呢間皇室盛宴既菜式比較另類，我想應該可以為老公帶來驚喜！😘餐廳係皇后大道中118-200號聯盛大廈3樓，係中環街市對面。一出lift就見到大大個logo，餐廳內燈光昏暗，播著藍調音樂，環境氣氛好浪漫。安排坐於較後排位置，餐廳先會簡單對一下今晚既餐單，同時間會問有冇食物敏感，服務不錯！👍🏻👍🏻Menu預先透過whatsapp收到，可以根據個人偏好轉換部分菜式。我今晚係Deluxe menu，有8道菜，當中有老公最愛食既鵝肝！坐左約十五分鐘就上第一道菜，煎西瓜拼煙燻海鮮，賣相好精緻，煎左既西瓜好香口，一啖西瓜一啖海鮮既食法好創新，特別要讚一下粒煙燻蠔，好味😋。第二道菜係白松露醬帶子刺身，睇食評絕大部分都對呢道菜讚不絕口，終於有機會一試👻。帶子係北海道帶子，切成4片，每片都落左白松露醬，令帶子鮮味更加突出。帶子質地好滑，軟綿綿，滿口松露醬同松露油感覺好滿足。第三道菜係老公最愛既鵝肝沙律，一睇到件鵝肝就流口水，超大舊！👍🏻👍🏻👍🏻鵝肝就食得多，咁大舊既鵝肝真係第一次食。鵝肝煎得好香，一放入口即溶，
為慶祝同老公結婚5周年，特意找一間特別既餐廳來慶祝我倆特別既日子。係openrice搵左好耐，見到呢間皇室盛宴既菜式比較另類，我想應該可以為老公帶來驚喜！😘
餐廳係皇后大道中118-200號聯盛大廈3樓，係中環街市對面。一出lift就見到大大個logo，餐廳內燈光昏暗，播著藍調音樂，環境氣氛好浪漫。安排坐於較後排位置，餐廳先會簡單對一下今晚既餐單，同時間會問有冇食物敏感，服務不錯！👍🏻👍🏻Menu預先透過whatsapp收到，可以根據個人偏好轉換部分菜式。我今晚係Deluxe menu，有8道菜，當中有老公最愛食既鵝肝！
坐左約十五分鐘就上第一道菜，煎西瓜拼煙燻海鮮，賣相好精緻，煎左既西瓜好香口，一啖西瓜一啖海鮮既食法好創新，特別要讚一下粒煙燻蠔，好味😋。
第二道菜係白松露醬帶子刺身，睇食評絕大部分都對呢道菜讚不絕口，終於有機會一試👻。帶子係北海道帶子，切成4片，每片都落左白松露醬，令帶子鮮味更加突出。帶子質地好滑，軟綿綿，滿口松露醬同松露油感覺好滿足。
第三道菜係老公最愛既鵝肝沙律，一睇到件鵝肝就流口水，超大舊！👍🏻👍🏻👍🏻鵝肝就食得多，咁大舊既鵝肝真係第一次食。鵝肝煎得好香，一放入口即溶，充滿油份，滿口都是罪惡感，咁大件鵝肝一定很多膽固醇，要多做幾次運動先！第四道菜係👍🏻魚子帶子蒸蛋，賣相非常精緻，將蛋殼1/3去掉真的很考廚師功夫。味道還不錯，有小小清酒味道，配上黑魚子醬令口感層次更加突出。
第五道菜係👍🏻黑松露野菌湯，餐廳另一招牌菜，聽介紹時用左26種菇菌去煲，口感非常豐富，好香既野菌味同松露味，飲完一啖會令你好想再飲，好味。
第六道菜係👍🏻柚子雪葩，味道不錯，份量剛好，幾啖就吃完，主要是清一清個口，因為都吃了幾道比較濃味。
主菜叫了👍🏻海虎蝦同👍🏻有骨豬排，海虎蝦大隻，好香蒜香味，味道幾好，肉質彈牙，但應該加了紅椒，有小小辣，另外配菜有黑水欖青水欖，撈左小小辣汁又幾好味。豬排好大件，用慢煮方法煮了數小時，肉質好淋，如果加上燒汁會更好。最後一道菜是甜品，因為老公唔太愛食朱古力，所以轉左👍🏻紅酒燴雪梨，味道都okay。
總結：很好既環境同食物，老公對於每道菜都好滿意，值得推介。😋😋😋😋😋
張貼
