Messina iL Ristorante (已結業)

星期日Messina有Sunday Brunch， 380元三個Course兼包無限添飲果汁， 580元包無限添飲白酒及紅酒， 仲有880元包無限添飲香檳及名酒，而小童4歲以下免費， 但個餐唔包咖啡或茶。室內帶有歐陸風情裝修，落地玻璃維港景色引入自然光，一室光潔明亮。麵包籃有好多款麵包供應，鬆軟脆酥各式其式，配橄欖油食，味道不錯，整籃麵包俾我哋吃光。Amuse bouche 係鯛魚刺身， 伴碟裝飾漂亮，鯛魚新鮮。頭盤有三款係俾大家share來食的， 有挪威煙三文魚，parma ham， 焗番茄芝士茄子，份量十足。主菜分別叫咗牛同魚， 安格斯牛排係用焗爐焗咗三個鐘鎖住肉汁， 非常Juicy。 條魚煎得香滑， 伴菜嘅紫薯整到好似一件蛋糕咁，好特別。甜品車駛過來的時候絕對俾大家驚喜， 車上有七彩繽紛糖果花裝飾同甜品樣本好吸引，侍應細心說明各款甜品，每人可以揀一款。 我哋揀咗開心果心太軟同Tiramisu， Yummy！ 最後仲有petit fours， 非常滿足！總括來說食物非常好味，服務細心，下次有機會一定再來。