影片
更多
2022-07-06
2095 瀏覽
有次聚會朋友推薦呢間日式居酒屋，佢哋唔止有串燒食，仲有關東煮，連個環境都好似日本居酒屋咁，真係勁有氣氛呀(⁎⁍̴̛ᴗ⁍̴̛⁎)🍽食物✨關東煮我哋嗌左大根($16)、年糕福袋 ($25)、厚燒玉子 ($18)同牛蒡魚餅 ($18) 8.5/10關東煮湯底好清甜，充滿昆布柴魚嘅味道😋大根清甜冇渣，煮到淋晒吸滿晒湯汁；年糕福袋都好入味，但係唔會爛晒咁，入面嘅年糕仲好煙韌；厚燒玉子冇改錯名，吸滿甜甜嘅高湯；日本人好中意用牛蒡入饌，其實係獅子狗入面包住牛蒡，味道都好夾～✨不思議炸豆腐 $68 9/10食之前我哋都心諗有幾不思議，佢嘅外貌係豆腐樣但係口感一啲都唔似豆腐！表面係炸過嘅，但入面竟然係煙煙韌韌，有啲似年糕嘅質感，同時仲有啲奶香味，我哋都覺得呢個係最有驚喜嘅茶式！👍🏻豚骨鍋 $69 8/10湯底係濃郁嘅豬骨湯，除左有幾塊油脂豐富嘅五花腩之外，仲有好多蔬菜，好似韮茶、芽菜同椰菜，係鍋入面滾左好耐，吸晒湯底嘅精華，仲有個烏冬，食完一定夠飽😂👉🏻芋絲明太子 $39 7/10就係將明太子同芋絲撈埋一齊😂 不過明太子嘅味道比較淡，因為芋絲都唔係重口味嘅嘢，整體比較清淡同份量少左啲👍🏻燒魷魚 $53 8/10
🍽食物
✨關東煮我哋嗌左大根($16)、年糕福袋 ($25)、厚燒玉子 ($18)同牛蒡魚餅 ($18) 8.5/10
關東煮湯底好清甜，充滿昆布柴魚嘅味道😋大根清甜冇渣，煮到淋晒吸滿晒湯汁；年糕福袋都好入味，但係唔會爛晒咁，入面嘅年糕仲好煙韌；厚燒玉子冇改錯名，吸滿甜甜嘅高湯；日本人好中意用牛蒡入饌，其實係獅子狗入面包住牛蒡，味道都好夾～
✨不思議炸豆腐 $68 9/10
食之前我哋都心諗有幾不思議，佢嘅外貌係豆腐樣但係口感一啲都唔似豆腐！表面係炸過嘅，但入面竟然係煙煙韌韌，有啲似年糕嘅質感，同時仲有啲奶香味，我哋都覺得呢個係最有驚喜嘅茶式！
👍🏻豚骨鍋 $69 8/10
湯底係濃郁嘅豬骨湯，除左有幾塊油脂豐富嘅五花腩之外，仲有好多蔬菜，好似韮茶、芽菜同椰菜，係鍋入面滾左好耐，吸晒湯底嘅精華，仲有個烏冬，食完一定夠飽😂
👉🏻芋絲明太子 $39 7/10
就係將明太子同芋絲撈埋一齊😂 不過明太子嘅味道比較淡，因為芋絲都唔係重口味嘅嘢，整體比較清淡同份量少左啲
👍🏻燒魷魚 $53 8/10
魷魚煙韌，但又唔會難咬到好似食擦膠咁，燒過嘅魷魚變得乾身，淨係點蛋黃醬已經好好味，送酒一流！
👍🏻炸雞粒 $59 8/10
呢到嘅雞粒好似出面嘅炸雞塊咁大😂 即叫即炸，係典型嘅日式炸雞，皮薄內裏多汁，不過調味偏重
👉🏻忌廉蟹肉薯餅 $58 7.5/10
薯餅係接近磚頭嘅形狀😂 入面嘅餡比較流心嘅狀態，蟹肉已經打碎晒同忌廉撈埋一齊，食得多會覺得漏
👉🏻炸芝士 $58 7/10
芝士同樣即叫即炸，咬開要小心辣親～ 炸芝士係奶香味比較重，同時都比較鹹😂唔配野飲搞唔掂
👉🏻串燒我哋嗌左以下幾款：
免治雞棒(汁燒) $32、雞軟骨(鹽燒) $25、雞腿肉(鹽燒) $25同牛橫隔膜 $48
雞肉串燒可以揀汁燒定鹽燒，汁燒嘅免治雞棒入面係絞肉加埋雞軟骨，口感豐富，配埋月見食更順滑；雞軟骨同雞腿肉都係鹽燒，調味簡單；牛橫隔膜都有牛味，但就比較韌
👍🏻柚子燒酎 $45
👍🏻鮮橙燒酎 $40
👍🏻鮮西柚燒酎 $40
酒類嘅選擇非常豐富，我哋嗌左3杯都係燒酎，岩晒唔飲得但又想小酌一番嘅朋友仔🤣杯底仲有果肉添～
⛩環境
👍🏻舖面唔大，但係裝修好似日本居酒屋咁，除左卡位仲有張好長嘅吧枱，可以望到師傅係入面煮野食，牆上面掛住勁大部電視播緊日本節目，店內都keep住播日文歌，隔離就係長期煮住關東煮嘅爐頭
💁🏼♀️服務
👍🏻店員會係客人進入嘅時候大聲歡迎同離開嘅時候歡送，十分熱情；落單都好細心，會重複返order嘅內容，佢哋唔止環境似日本居酒屋，連服務態度都十分接近
📝總評 8/10
食物出品有質素，成個環境氣氛都好好，不過就係定價比較進取，份量唔係好多，可能CP值唔算太高，但如果你係有一定嘅預算，同時想係香港搵返返鄉下嘅感覺，呢度都幾適合！
👛人均消費 ~$280(連加一服務費)
⏱90分鐘
張貼
