Hands-On Coffee (已結業)

旺角別致嘅Cafe，適合三五知己上來一聚，環境寧靜，裝飾富有時代感，就連服務人員都係年青人，頓時覺得充滿活力。飲品方便，主要都係咖啡為主，沒有花巧嘅飲品，但卻有專業嘅水準。介紹下啲嘢食先，本來想叫個和牛漢堡，但係已經賣晒啦，真係有少少失望，唔緊要啦仲有豚肉漢堡，一樣覺得出色，份量一啲都唔細，足足有兩層嘅豚肉漢堡扒，入口包係熱嘅，而且鬆軟，醬汁唔會太多，所以唔會搶咗豚肉嘅香味，豚肉紮實有口感，而且唔會好似一般嘅快餐店咁簿切切，我個口都冇咁大，真係分開兩層先食到啊。Nitro coffe估唔到可以係依度品嚐到，氮氣咖啡，唔會有多餘糖或者奶，可以完完全全品受到咖啡真正嘅香氣，入口香醇順滑，完全可以回甘，適合要坐兩三個鐘可以慢慢品嚐。黑松露野菌意粉，一上枱已經充滿淡淡的黑松露香味，洋溢於空氣中，值得意粉主角就梗係意粉啦，冇令我失望，唔會係嗰啲浸左好耐嘅意粉，意粉咬落有口感，唔會好淋呢個係最重要嘅，黑松露嘅香氣就梗係錦上添花啦。至於甜品，我哋叫咗藍莓紐約芝士餅，唔會太甜，而且充滿淡淡的芝士香味，入口幼滑，而且伴碟都唔差架，睇到廚師好有心思，淨係見到個伴碟，都已經覺得充滿誠意啦。