可可豬海南雞專門店 (寶榮大廈) (已結業)

收工唔想煮飯，決定叫份外賣海南雞飯返屋企食。特色椰香海南雞飯第一啖先試吓個飯，米飯偏軟，充滿椰香，一啲都唔油膩。除咗雞翼嘅部份，其餘嘅雞肉全部都去哂骨，肉質好嫩滑，幾唔錯。配菜係木瓜沙律，都幾fresh。食到一半，再落少少醬汁撈飯，別有一番風味。滷水牛展一款非常適合做外賣嘅小食，就算攤凍咗，味道都唔會走樣。牛展滷得好入味，而且擺法好有心思，既可以食到原汁原味又可以食到浸滿醬汁嘅牛展。加$18就可以飲到當日嘅特色食療拿杯湯，湯嘅味道好濃郁，飲得出幾足料。食完成餐飯最大嘅感覺，係唔會有種好油膩好Heavy嘅感覺，亦唔會成口味精好口乾，唔落味精唔落太重調味料呢個位，真係做得好好，係好值得推介嘅海南雞飯餐廳。