So Bar (已結業)

今次同朋友嚟到呢一間非常浪漫又有格調嘅餐廳chill一chill，氣氛十足，而且食物非常高質，真係好適合同三五自己/伴侶一齊進餐 & 飲野！仲可以選擇坐出邊或者入邊嘅座位，一樣咁舒適！奶油蝦意粉以奶油忌廉白汁底為醬料，是一個充滿奶香各芝士香嘅意粉，入口非常creamy，而且意粉口感爽滑，軟硬適中，再加配埋蒜香香煎大蝦，更加美味，香煎蝦入口非常彈牙，整個意粉嘅味道都非常有層次感，讚！燒鰻魚散發住濃濃的香氣，而且鰻魚非常肥美，肉質嫩滑，可見餐廳精心選用食材去製作。香蕉朱古力芭菲超有心思又有賣相嘅芭菲甜品！焦糖香蕉經過輕微燒焦之後，味道格外香甜，再配上雲呢拿雪糕，非常美味。仲有香滑嘅奶油，成個甜品都好有層次感，好正！Peachy sex一種水蜜桃口味的酒，亦都融合咗大量果汁，果香味撲鼻，入口香甜，女士們必愛！Disillusioned係一款滿有層次感嘅cocktail，店員建議先食cocktail上嘅梳打餅，後飲cocktail。
梳打餅上有紅豆蓉， 而cocktail以Gin為底，剛入口會有淡淡烏龍茶味，後者係香氣撲鼻嘅酒味。