影片
更多
2023-11-01
655 瀏覽
#出差食好嘢系列 呢個系列又更新啦，是日來到灣仔區工作，灣仔美食眾多，响咁多間餐廳中選擇咗《瀾之茶居》飲茶食個包❣️瀾之茶居算係茶餐廳形式既酒樓，飲茶都有得叫套餐，好新穎😊即使一個人飲茶都可以盡興🎶餐廳無論外型或內裡都行走懷舊復古嘅路線，最有特色係店內設計，沿用了多張舊式電影或品牌海報及，例如「戰大球星」、「捉鬼敢死隊」、「虎標八掛丹」等等⋯除左海報外，其他佈置都令人懷念，舊式收銀機、五六十年代燈制～睇得出老闆好花心思設計😍😍早餐、午餐、下午茶，甚至晚市的撐枱腳套餐，不再局限於普通飲茶的飲杯茶食個包，而係飲杯咖啡或奶茶，再食番籠蝦餃燒賣😋😋是日因工事嚟到灣仔，兩人都品嚐左瀾之午市套餐：一盅蒸飯配一籠點心再嚟一杯熱飲，額外加一個鎮店之寶—甘哥叉燒餐包。🔸一盅蒸飯：蝦干肉餅飯、臘腸排骨飯兩款蒸飯的白飯都軟熟，排骨同肉餅都好Juicy ，小妹叫嘅蝦干好大條唔會乾柴柴，再配埋甜豉油撈飯，超正😍🔸一籠點心：松露蝦餃、蠔皇鮮竹卷點心們均皮薄餡滿😋，蝦餃外皮薄得嚟又煙韌，係小妹喜歡既口感；對於蠔皇鮮竹卷平時印象係好多油同脆的，但係瀾之茶居的鮮竹卷係完全相反，唔太油且好似無咗油炸既步驟，反而更好食🤤每啖
瀾之茶居算係茶餐廳形式既酒樓，飲茶都有得叫套餐，好新穎😊即使一個人飲茶都可以盡興🎶餐廳無論外型或內裡都行走懷舊復古嘅路線，最有特色係店內設計，沿用了多張舊式電影或品牌海報及，例如「戰大球星」、「捉鬼敢死隊」、「虎標八掛丹」等等⋯除左海報外，其他佈置都令人懷念，舊式收銀機、五六十年代燈制～睇得出老闆好花心思設計😍😍
早餐、午餐、下午茶，甚至晚市的撐枱腳套餐，不再局限於普通飲茶的飲杯茶食個包，而係飲杯咖啡或奶茶，再食番籠蝦餃燒賣😋😋是日因工事嚟到灣仔，兩人都品嚐左瀾之午市套餐：一盅蒸飯配一籠點心再嚟一杯熱飲，額外加一個鎮店之寶—甘哥叉燒餐包。
🔸一盅蒸飯：蝦干肉餅飯、臘腸排骨飯
兩款蒸飯的白飯都軟熟，排骨同肉餅都好Juicy ，小妹叫嘅蝦干好大條唔會乾柴柴，再配埋甜豉油撈飯，超正😍
🔸一籠點心：松露蝦餃、蠔皇鮮竹卷
點心們均皮薄餡滿😋，蝦餃外皮薄得嚟又煙韌，係小妹喜歡既口感；對於蠔皇鮮竹卷平時印象係好多油同脆的，但係瀾之茶居的鮮竹卷係完全相反，唔太油且好似無咗油炸既步驟，反而更好食🤤每啖都咬到餡架😄
🔸一杯熱飲：熱朱古力🍫（濃啲）
嚟茶樓唔飲茶，飲熱朱古力🤣而且濃淡度有得自己揀，於是乎兩杯都揀晒濃啲🤭🤭又真係好濃味喎，唔錯唔錯👍🏻
🔺一個餐包：甘哥叉燒餐包
酒樓甜嘅叉燒餐包就食得多，近期菠蘿皮麻糬波波亦大家都識，呢度最有人氣嘅美食，小妹覺得就係《甘哥叉燒餐包》，菠蘿皮既外表，咬落又香又脆，叉燒餡亦好多，皮薄多叉燒既餐包真係好好食丫❣️平日行過太原街，可以行過嚟外賣番幾個帶番屋企食😎😎
小妹當日係lunchtime 嚟，灣仔區人多食飯個個知，起呢度食飯要坐直啲，坐唔夠直店員行過會唔小心掂到你背脊架🥹除非好彩坐都到卡位啦😊整體來說，呢度好有特色啊，而且美食唔差同食到好飽飽，雖然蒸飯午餐價錢有啲貴，但係見對面枱食乾炒牛河餐就好大碟，兩個人都夠食☺️下次有機會應該會嚟食其他野🤓🤓
蝦干肉餅蒸飯
18 瀏覽
0 讚好
0 留言
臘腸排骨蒸飯
21 瀏覽
0 讚好
0 留言
松露蝦餃
13 瀏覽
0 讚好
0 留言
蠔皇鮮竹卷
25 瀏覽
0 讚好
0 留言
熱朱古力（濃啲）
14 瀏覽
0 讚好
0 留言
甘哥叉燒餐包
20 瀏覽
0 讚好
0 留言
張貼
