一茗堂 (南山商場) (已結業)

如果要推薦一間有本地特色嘅餐廳，我諗呢度會係我最新推薦嘅選擇。位於南山村一個唔起眼嘅位置，唔特登嚟都未必知道，係舊式公屋建築同街市之中，會有咁樣一間精緻小西餐廳。好少嚟石硤尾，因為公事一年先嚟一次。今次嚟之前搵定有咩好嘢食，不枉此行。經過濕街市，抬頭望到一幢幢劃一嘅公屋單位，感覺好老香港。好難得香港會有一個地方仲保留到啲歷史痕跡，冇大型活化清拆或者重建。而落樓梯搵到呢間餐廳，就好似有個獨立嘅四合院或小花園咁，夠晒空間感。幾鍾意咁樣嘅設計。作為一個中西文化匯集之地，國際化嘅美食絕對係香港一大特色。餐廳正正offer啲好啱本地人口味嘅港式西餐。我地叫咗一個泰式，一個西式嘅餐招牌雞扒伴虎蝦Both雞扒and虎蝦味道都唔錯，虎蝦已開邊，易切易食。連皮嘅雞扒香煎過，唔油又唔乾身。啲薯仔就硬啲，適合鍾意食硬薯嘅朋友泰式東蔭公鮮蝦意粉雖然又有蝦，個啲蝦仁同頭先個虎蝦都幾唔同。啲蝦仁又大又有好多粒。最估唔到嘅係啲意粉都幾辣！最好鍾意食辣先點呀！好少食東蔭公意粉，通常東蔭公都係湯麵嘅湯底嘛！呢一味餸就再次顯示有國際特色嘅香港嘢食！甜品揀左個熱情果芒果撻，酸酸甜甜仲有好多唔同口味特飲：藍蝶白桃寒天梳打啲顏