影片
更多
2023-09-11
112 瀏覽
「為食龍」🦖 係位於中環蘇豪區些利街嘅一間恐龍主題日本餐廳。餐廳嘅裝修以森林🌳同恐龍🦖為主題，門口仲有恐龍紀念品可供購買。餐廳樓高兩層，一入店員就會俾個有枱號嘅恐龍鎖匙扣客人，客人上到二樓，就有人帶你到坐位。餐廳樓底高，室內有好多以恐龍為主題嘅霓虹燈管，設計舒適又充滿特色好似入咗迷你侏羅紀公園🦖佢哋嘅招牌係腐皮壽司，我當然要試試啦！🔸柚子左口魚（$35）：壽司嘅左口魚非常新鮮，魚肉質地精瑩通透，少少柚子味提升清新度。🔸蔥吞拿魚拖羅蓉（$35）：壽司上有粒粒吞拿魚同拖羅蓉，拖羅非常肥美，無筋，入口即溶。🔸 邁亞密女郎（$84/半份）：玩味十足嘅名字，其實即係辣吞拿魚卷。賣相精緻，吞拿魚蓉同樣細滑，微微辣味，我好鍾意。除咗壽司，餐廳仲有好多串燒同小食供應，我點咗：🔸和風水晶刺身沙律 🥗 （$146）：有三款魚生，份量頗多，蔬菜反而份量較少。有一款滑身但係咬落爽脆嘅芋絲，口感好得意。醬汁係用芝麻醬，同所有材料都好配合。🔸雞軟骨餃子（$69）：餃子煎得香脆可口，餡料味道唔錯，食到一粒粒嘅雞軟骨，層次豐富。🔸免治軟骨雞肉棒拌日本生雞蛋 （$78/兩串）：雞肉及雞軟骨嘅比例恰到好處，焦脆嘅雞軟骨串
「為食龍」🦖 係位於中環蘇豪區些利街嘅一間恐龍主題日本餐廳。餐廳嘅裝修以森林🌳同恐龍🦖為主題，門口仲有恐龍紀念品可供購買。餐廳樓高兩層，一入店員就會俾個有枱號嘅恐龍鎖匙扣客人，客人上到二樓，就有人帶你到坐位。餐廳樓底高，室內有好多以恐龍為主題嘅霓虹燈管，設計舒適又充滿特色好似入咗迷你侏羅紀公園🦖
佢哋嘅招牌係腐皮壽司，我當然要試試啦！
🔸柚子左口魚（$35）：壽司嘅左口魚非常新鮮，魚肉質地精瑩通透，少少柚子味提升清新度。
🔸蔥吞拿魚拖羅蓉（$35）：壽司上有粒粒吞拿魚同拖羅蓉，拖羅非常肥美，無筋，入口即溶。
🔸 邁亞密女郎（$84/半份）：玩味十足嘅名字，其實即係辣吞拿魚卷。賣相精緻，吞拿魚蓉同樣細滑，微微辣味，我好鍾意。
除咗壽司，餐廳仲有好多串燒同小食供應，我點咗：
🔸和風水晶刺身沙律 🥗 （$146）：有三款魚生，份量頗多，蔬菜反而份量較少。有一款滑身但係咬落爽脆嘅芋絲，口感好得意。醬汁係用芝麻醬，同所有材料都好配合。
🔸雞軟骨餃子（$69）：餃子煎得香脆可口，餡料味道唔錯，食到一粒粒嘅雞軟骨，層次豐富。
🔸免治軟骨雞肉棒拌日本生雞蛋 （$78/兩串）：雞肉及雞軟骨嘅比例恰到好處，焦脆嘅雞軟骨串混合金黃色嘅蛋黃，十分滋味亦十分有口感。
工作完之後，當然最好不過就係小酌一杯🥃
🔸完熟梅酒（$88）梅子味道柔潤甘甜，順滑入喉。
🔸豐之秋柚子酒（$88）柚子香氣香濃而不苦澀，微甜易入口。
我見到餐廳仲有多款特別嘅主食同甜品，期待下次再去品嘗一下！
腐皮壽司
13 瀏覽
0 讚好
0 留言
免治軟骨雞肉棒配日本生雞蛋
7 瀏覽
0 讚好
0 留言
和風水晶魚生沙律
7 瀏覽
0 讚好
0 留言
邁阿密女郎
7 瀏覽
0 讚好
0 留言
雞軟骨餃子🥟
11 瀏覽
0 讚好
0 留言
張貼
