十戶 (已結業)

好想去旅行🧳好掛住日本🇯🇵。近近地去 #馬頭圍道 就有得打下卡影到靚相嘅，日式⛩裝修佈置嘅 十戶 居酒屋🏮，店內店外都充滿着日本昭和年代氣息。去居酒屋當然要食🍣刺身同埋飲番杯🍶清酒，串燒更加係必點之物。先黎 特選刺身五點盛、燒雞泡魚乾 、清酒煮海蜆 做前菜開胃，再來一口清酒😜，咁先夠chill 同relax 😌。鬆脆炸物一點要點番個野菜天婦羅🍤，食天婦羅其中一件炸物好似係水果🍐，食落好清新，依個幾特別😊。粒粒小蕃薯🍠亦係唔錯，比起平時一片片蕃薯🍠一粒粒更香甜可口。串燒我就點番啲肉類飽下肚先，厚切美國牛脷、燒牛舌尖，燒羊架 ，燒烤香脆外層內裏仲係嫩口唔會乾晒，喜歡軟滑肉質可以試下 西班牙豚腩肉。明太子雞肉串就夠晒鹹香，本來諗住叫雞園骨但係我見到雞胸軟骨我就決定點嚟試吓，原來 雞胸軟骨 就係雞背脊條軟骨，我都係第一次燒烤方法食依件軟骨，都幾特別又有咬口。飲飽食醉後點番杯 乳酸梳打飲品 同 木村蜜瓜汁 清一清口腔味蕾。我仲攞左出門口影相打卡📸。咁先似去左一轉偽日本🇯🇵。