影片
更多
2019-01-24
75 瀏覽
荃灣真係有好多好野食，依家係其中一間想試左好耐既鋪頭，每次路過依間鋪頭，都被果份神秘既感覺吸引，係新領域廣場天橋底多年，今日終於有機會去揭開佢的神秘面紗。一坐低未叫嘢食已經送上兩片餐包打頭陣，可以一邊食一邊諗下今餐想食乜嘢。其實個豬手真係幾吸引，可惜啱啱病好都係食返啲冇咁熱氣嘅嘢比較好，於是就叫左一個A餐大蝦長通粉，一個D餐安格斯西冷扒做我哋嘅晚餐。龍蝦濃湯係我哋嘅飛佛，就算要加錢都要試吓佢。龍蝦味都幾濃郁，而且湯入邊仲有驚喜，每碗湯入面都有隻剝左殼嘅蝦係入邊，係創意呀！上菜嘅速度都幾快，估唔到湯未飲完，主菜都出場啦。七成熟嘅安格斯西冷扒，仲有薯條做配菜。先講薯條，新鮮炸起趣卜卜又熱辣辣，仲要係粗身嘅薯條食落好有口感，好味。至於西冷扒，係俾我哋預期中熟咗少少，但肉質都仲好軟身，唔韌喎，又保留返原有嘅肉汁，份量啱啱好。至於帶子大蝦長通粉，通粉充滿濃濃既番茄味，酸酸地又甜甜地好開胃。隻大蝦係連殻嘅大蝦，雖然要剝殼有啲麻煩，但係大蝦夠鮮甜就完全補返數。仲有粒連殻既蒜蓉帶子，好香嘅牛油蒜蓉味，簡直係帶子嘅靈魂所在。如果有多d蝦同帶子就更加好啦。由於跟餐特飲有減$15嘅優惠，叫咗杯水果茶試下。充
一坐低未叫嘢食已經送上兩片餐包打頭陣，可以一邊食一邊諗下今餐想食乜嘢。其實個豬手真係幾吸引，可惜啱啱病好都係食返啲冇咁熱氣嘅嘢比較好，於是就叫左一個A餐大蝦長通粉，一個D餐安格斯西冷扒做我哋嘅晚餐。
龍蝦濃湯係我哋嘅飛佛，就算要加錢都要試吓佢。龍蝦味都幾濃郁，而且湯入邊仲有驚喜，每碗湯入面都有隻剝左殼嘅蝦係入邊，係創意呀！
龍蝦濃湯
24 瀏覽
0 讚好
0 留言
上菜嘅速度都幾快，估唔到湯未飲完，主菜都出場啦。七成熟嘅安格斯西冷扒，仲有薯條做配菜。先講薯條，新鮮炸起趣卜卜又熱辣辣，仲要係粗身嘅薯條食落好有口感，好味。至於西冷扒，係俾我哋預期中熟咗少少，但肉質都仲好軟身，唔韌喎，又保留返原有嘅肉汁，份量啱啱好。
香煎美國西冷扒配洋蔥汁
17 瀏覽
0 讚好
0 留言
至於帶子大蝦長通粉，通粉充滿濃濃既番茄味，酸酸地又甜甜地好開胃。隻大蝦係連殻嘅大蝦，雖然要剝殼有啲麻煩，但係大蝦夠鮮甜就完全補返數。仲有粒連殻既蒜蓉帶子，好香嘅牛油蒜蓉味，簡直係帶子嘅靈魂所在。如果有多d蝦同帶子就更加好啦。
半殼帶子大蝦長通粉配香蒜車厘茄汁
17 瀏覽
0 讚好
0 留言
由於跟餐特飲有減$15嘅優惠，叫咗杯水果茶試下。充滿百香果嘅香味，仲有好多唔同水果粒係入面，好足料。
水果茶
18 瀏覽
0 讚好
0 留言
今次食唔到豬手，唯有下次啦！
張貼
