動漫樂園及主題餐廳 (已易手) 新餐廳

今晚放工帶表弟仔去Megabox又玩、又食既動漫樂園餐廳, 其實上年已經黎過, 中意呢度可以一邊比小朋友玩, 另一邊大人可以去食野relax一下。一去到門口, 表弟仔已經興奮到彈起, 入面有唔少大人小朋友都岩玩既遊玩設施,再入就係一間小小既CAFE, 食西式野為主~一睇menu, 原來menu跟上年已經有所不同, 上年既龍蝦餐已經轉成平時係cafe食到既意粉/飯類, 價錢亦比之前平左少少。表弟仔比較食得, 所以唔揀兒童餐比佢, 跟我食返dinner set...【美式什扒配飯】HK$88 (跟汽水/咖啡/茶)牛扒、雞扒、豬扒、煙肉、脆皮腸, 淋上洋蔥汁, 最中意件雞扒, 雞皮煎得仲係脆脆地...不過d飯有d乾~早知轉薯菜!【卡邦尼煙肉扁意粉】HK$72 (跟汽水/咖啡/茶)意粉比飯好得多, 有些少口感, 唔會太林, 卡邦尼汁份量剛剛好, 食落唔太膩, 有些少煙肉碎同埋蘑菇碎, 整個意粉食落幾Creamy...小朋友都幾中意食~雖然野食款式唔多, 但對於主題餐廳黎講, D野唔難食已經算係有驚喜。