Burger's Friend Forever (嘉峯匯) (裝修中)

之前一直覺得啟德係一個荒蕪之地，屯馬線開通之後，終於的起心肝去一探究竟。原來啟德宜家多左好多新樓盤，相應既都多左好多餐廳。今次去左食一間本土手工漢堡店。小店雖然地方不大，但睇得出有花心思去裝修，新穎既工業風。而且最重要係乾淨，一間餐廳注重清潔與否，睇佢既廁所就知道啦😎 仲有一點都好重要，工作人員有禮貌又nice，食都食得開心d😝丹麥藍芝士漢堡 $90烤過既麵包香氣十足而且帶有一點點香甜，鬆軟可口。漢堡扒肉味濃，唔會乾硬，咬落有肉汁，蕃茄生菜亦新鮮爽脆。藍芝士濃郁特別嘅香味，真係令人又愛又恨，配埋炒香既洋蔥，可以中和平衡返藍芝士既「臭」味😂❤️ 重口味又喜歡芝士之人必選。經典芝士漢堡 $75一間漢堡店好唔好食，試佢最基本嘅款式就知道啦！同藍芝士漢堡一樣，微微烤過嘅麵包，新鮮嘅番茄和生菜，充滿肉汁嘅漢堡扒，配上一塊略為溶化的車打芝士。雖然簡單，但係好味，滿足！加$25-$30可以轉套餐, 我地今次就嗌左薯條 & 薯格。炸得非常香脆，而且份量都唔少，一個餐食完非常飽。一個漢堡，一份薯條，一杯汽水，整潔既餐廳，友善既員工，令人心情愉悅既一個下午。