春陽茶事 (擺花街) (已結業)

之前經常光顧春陽茶事，今日經過春陽茶事見到佢地出左兩款新飲品，剛好天氣又好炎熱，所以入去春陽茶事避暑兼試試新產品。買完飲品當然要係招牌霓虹燈前打卡留念！而且可以企係霓虹燈下面慢慢享受飲品。- 熟韻焙茶鮮奶外觀非常吸睛，鮮奶同焙茶形成兩截顔色。香滑鮮奶中和焙茶既苦澀，茶韻散發出醇厚甘美既一面。- 京都抹茶鮮奶綠色同白色既顏色配搭更加靚，春陽茶事用上京都宇治抹茶粉，味道更加甘醇，配上香滑既鮮奶，令人回味無窮。