榮華南洋冰室

營業中

休息中

Item: 榮華南洋冰室
Rating: 4
Author: C9靚太

Wing Wah Southeast Asia Cafe

121 食評

味道

環境

服務

衛生

抵食

7505

上環

$51-100

泰國菜新加坡菜粉麵/米線咖喱串燒咪嘥嘢食店

資訊:
餐廳:	榮華南洋冰室

為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。

詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign

C9靚太

等級3

星期五晚,本來想去蘇豪區食西餐,但係見到條街咁多人,唔想咁嘈,於是行行吓行到太平山街附近,見到一間南洋餐廳,即刻想試下。喺中上環想搵間平平哋又好坐嘅餐廳,真係唔容易。其實响門口見到啲嘢食都幾吸引,老闆仲親自出來招攬,係冇hard feeling嗰隻,所以就入去幫襯下啦。一入門口,要先行落幾級樓梯,已經覺得好有特色。望下個餐牌,d嘢食又唔貴,可能晚上附近嘅食客都去晒鋸扒,嚟呢間餐廳嘅人並唔多,所以坐得好舒適。我哋兩個人嗌咗一個冬陰功豬扒貴刁,同埋薑黃雞扒飯,一杯鹹檸七,仲有泰式奶茶。個貴刁真係好惹味,仲要成個煲上,睇見已經流口水,冬陰功湯底做得唔錯,貴刁真係爽口好味,喺個豬扒少少dry,但可以接受。至於個薑黃雞飯,我叫咗個薑蓉做醬,由於我鍾意食薑,所以覺得好好味。碟頭飯嘅配菜並唔係普通椰菜絲或者生菜兩條,而係醃過嘅青瓜,令到食客好醒胃,係少見嘅做法,我好鍾意。老闆仲請我食多一小碟醃青瓜添,真識do😁!最後要讚一讚個泰式奶茶,首先係成壺上,老闆話要焗5分鐘,另外隻杯已落咗煉奶,茶焗好自己冲,冲出黎有一陣椰香味,而且個茶底好好飲。我仲想添食,見到個餐牌下午茶有菠蘿油,如果配埋呢杯泰式奶茶,一

星期五晚,本來想去蘇豪區食西餐,但係見到條街咁多人,唔想咁嘈,於是行行吓行到太平山街附近,見到一間南洋餐廳,即刻想試下。喺中上環想搵間平平哋又好坐嘅餐廳,真係唔容易。其實响門口見到啲嘢食都幾吸引,老闆仲親自出來招攬,係冇hard feeling嗰隻,所以就入去幫襯下啦。
一入門口,要先行落幾級樓梯,已經覺得好有特色。望下個餐牌,d嘢食又唔貴,可能晚上附近嘅食客都去晒鋸扒,嚟呢間餐廳嘅人並唔多,所以坐得好舒適。
我哋兩個人嗌咗一個冬陰功豬扒貴刁,同埋薑黃雞扒飯,一杯鹹檸七,仲有泰式奶茶。個貴刁真係好惹味,仲要成個煲上,睇見已經流口水,冬陰功湯底做得唔錯,貴刁真係爽口好味,喺個豬扒少少dry,但可以接受。至於個薑黃雞飯,我叫咗個薑蓉做醬,由於我鍾意食薑,所以覺得好好味。碟頭飯嘅配菜並唔係普通椰菜絲或者生菜兩條,而係醃過嘅青瓜,令到食客好醒胃,係少見嘅做法,我好鍾意。老闆仲請我食多一小碟醃青瓜添,真識do😁!
最後要讚一讚個泰式奶茶,首先係成壺上,老闆話要焗5分鐘,另外隻杯已落咗煉奶,茶焗好自己冲,冲出黎有一陣椰香味,而且個茶底好好飲。我仲想添食,見到個餐牌下午茶有菠蘿油,如果配埋呢杯泰式奶茶,一定好正!
我邊食邊望下周圍環境,可能燈光關係,就係覺得有一種莫名其妙嘅親切感。之後仲見到好多明星簽名,唔少得成日喺附近拍戲嘅"熊家"一眾演員,怪唔得知咁親切啦!我期待下次黎幫襯下午茶