十常八九

營業中

休息中

有緣到訪人氣日系甜品店，唔少評價都話要等好耐或者到訪時店主沒有營業。今次都唔知係好事定壞事，黎到唔駛等兼包場，疫情下只得我哋一枱，食得安心，但同時又反映小店既經營困難。而呢間小店，坐位真係唔多，兩張日式榻榻米加埋長椅兩張枱，實際得可容納4枱客。坐係長枱望住成間小店，扮下去咗日本都好。小店主打甜品，如果鍾意栗子蛋糕，一定要試人氣和栗蒙布朗，滿滿栗子蓉係即叫即刻係櫃檯部機壓出嚟，口感順滑線密配埋蛋白脆餅加雲呢拿雪糕，真心要讚個栗子蓉唔會好膩同死甜，好香既栗子清甜味道。另外叫咗十常吐司，用店名即吐司，其實係變奏版西多士，不過我覺得係滑蛋多士，厚厚的軟綿綿既蛋夾住麵包配蜜糖同忌廉，好食不過餐牌講明需時25分鐘，要有耐性等。飲品都有好多選擇，除咗一般見到既抺茶鮮奶之外，佢有玄米抺茶鮮奶，啖啖玄米茶香加上抺茶，味道有層次，另外試左菠蘿熱情果流打。不過真心要讚佢個menu，手繪圖案與實物相符，非常有誠意嘅小店。