六小館

是日係東涌收工，相約同事一齊去食晚飯。時間尚早，係東薈城行左一陣，到6點鐘準時入座食晚飯🤤。由於風水地係餐廳一開門就入座，可以自由選擇想坐既位置，我地選擇坐近窗邊既位置，可以一路食飯一路欣賞日落，十分賞心悅目，令人心情悅快，飯都食多2啖。😜南瓜嫰雞九層塔 $158 ❤️南瓜用上日本既貝貝南瓜，可以連皮食，唔算好甜但特別粉糯，非常適合用來炒菜，無骨雞肉十分嫰滑，加埋九層塔獨有既香葉氣味，層次感十足，最重要係炒得有鑊氣！食到停唔到口，如果份量多返小小就更好。🤤鍋燒滴漏雞油鮮野菌燴飯 $188 ❤️外表雖然唔吸引，好似平平無奇咁，但入口令人讚嘆不已。燴飯粒粒分明，充滿雞油香，加埋野菌既甜，食落一d都唔油膩，個鍋燒得夠熱，鍋邊既米粒帶有微微焦香，更添香氣。真係好好食😋🤗！干窩本地新鮮牛三寶 $228 ❤️有睇開我既朋友都知道我對乾鍋料理情有獨鍾，而六小館既乾鍋更有平時比較少見既材料供應。牛三寶包括鮮牛肉，金錢肚，鮮牛筋，全部都係本地新鮮貨，食落軟滑無渣充滿牛香，雪藏貨真係完全無得比😋。除有主材料外，仲有花椰菜，薯仔片，蓮藕片，萵筍片，大大既一兜份量十足，而且唔會太辣，麻香味香口，食得過癮，送飯一流。