One More Hotpot 來一鍋 (已結業)

不嬲知道鵝頸橋一帶間唔中都會出啲好餐廳，所以都會留意下。今次果然唔例外，來一鍋 One More由時代一過馬路行到天橋旁邊就會搵到，交通其實頗方便。不得不讚既係入面有好多好闊既卡位，加上環境冇一般邊爐咁吵雜，好適合三五知己收工後去傾下計鬆一鬆。上左年紀既可能會話「鬼五馬六，啲嘢食有冇我當年係＿記食咁正先？」。答案係：過之而無不及。我自己都估唔到，今次最帶俾我驚喜嘅，竟然係響鈴同魚皮呢兩樣平時不怎起眼嘅火鍋Side Dish。新鮮炸既魚皮係香港已經買少見少，除非真係好到好老式既酒樓或者街市。我估唔到係呢間外貌咁新派嘅火鍋度食到既竟然係剛剛炸好、上碟時仲起緊泡嘅魚皮。一放入水中，直情會聽到「咋～」一聲，入口時仍然會食到有微香魚味。鮮炸嘅響鈴先至令人咋舌。我建議快速過水三秒就好放入口，如果唔係就會冇咁可口了。根住有海鮮拼盤, 係冰上面保冷嘅鮑魚、蝦、扇貝同蚌等等全部色水都好靚, 個人覺得呢個組合每樣有啲都幾好，適合想乜都試下嘅人選擇。另外想講一講個蜂巢豆腐，都係比較罕見既火鍋料，口感有啲似齋，好爽好有肉感，個爐打耐咗吸埋啲湯味就very good。牛肉方面就費精不貴多，但每一塊肥瘦均衝，肉味