鼎記 (已結業)

身處旺角，餐廳種類琳羅滿目，行過一間餐廳，門面整緊串燒，d香味好吸引，抬頭望一望，竟然係間茶餐廳😱😱乜呢家茶餐廳都有即燒串燒咁得意，入去試下先🤣叫左個晚市2人小菜餐，感覺完全唔似茶餐廳😮😮先嚟一個熱辣辣嘅中湯，無味精，唔多鹽。反映到間餐廳質素同心機喇👍🏻蜜汁叉燒： 肥瘦適中😊😊食左幾舊，肉質係幾好wor 處理得唔錯👍🏻冰鎮咕嚕肉：再來一個凍冰冰嘅炒餸， 新鮮熱辣嘅 💥生炒排骨💥 一開始都好好奇：點解生炒排骨會係冰鎮咖呢？ 食咗幾嚿唔覺有咩特別喎🤔 只係好好食囉。 之後過咗5/6分鐘，開始明白喇...... 神奇嘅地方在於佢唔單止有冰嘅感覺。（冰鎮住）咕嚕肉好乾爽，脆卜卜嘅凍咕嚕肉，被d汁包實住。唔講咁多喇，你地試下就知喇😂水煮牛肉： 賣相好吸引之餘，麻香撲鼻，好正😋😋希望味道對得住個香氣喇😃😃一食落口，唔算太辣wor 對於食得辣嘅朋友嚟講可能會有少少唔夠喉。 但係冇炒車嘅地方係啲牛肉鹹味適中夠入味 唔會得㗎汁辣，而肉冇味。 牛肉好滑，配菜又吸曬啲麻香辣，十分吸引嘅一道餸