Chop Chop 食神叉燒 (宏安道) (已結業)

難得出開北角，終於有機會食到傳聞中，由知名大廚戴龍監製既真正黯然銷魂飯，老實說當初的確有一種睇下你有幾巴閉既心態去食的，既然高調做得宣傳，相應客人既期望自然會更高吧第一次嚟食，當然就一定要叫返過黯然銷魂飯先有意思，叉燒係用上五花腩製作，肥瘦適中帶有焦香，味道卻近似臘味既製法，跟傳統叉燒是不同的風味，很難說那一種比較好味，但卻充滿驚喜同新鮮感，而且chop chop用上紅洋葱加醬油(估計還有料酒) ，再打碎成蓉既秘製醬汁非常有特色，好味到如果有得賣我一定會買一罐走，配上半熟煎蛋加青菜，再加一碗味道十足既老火例湯，傳說中既黯然銷魂飯套餐就完成了。除了招牌菜，一場嚟到更試左嗰油雞燒肉拼盤，水準頗高，油雞醬汁味香濃雞肉亦嫩滑，燒肉皮脆多肉汁，份量亦不少，而且薑蓉調味做得很好，醬汁其實係chop chop既最佳配角，不枉山長水遠走到入北角，無令我失望之餘仲比到不少驚喜我